Samstarf Vinnumálastofnunar og Starfsendurhæfingar Austurlands

StarfA og VMST. hafa gert með sér samstarfssamning  frá 1. apríl sl.á grundvelli laga nr. 55/2006, um vinnumarkaðsaðgerðir og reglugerðar nr. 12/2009, um þátttöku atvinnuleitenda sem tryggðir eru innan atvinnuleysistryggingakerfisins í vinnumarkaðsaðgerðum og búferlastyrki.

Samningur þessi tekur til verkefnisins ,,Markviss atvinnuleit“ í umsjón StarfA og markmiðið er að veita atvinnuleytendum tækifæri til þátttöku í ýmiskonar virkni úrræðum, sbr. 10. gr. reglugerðar nr. 12/2009. 

Tilgangur með þátttöku atvinnuleitenda er að efla þau í atvinnuleitinni, auka þekkingu þeirra á vinnumarkaðinum, styðja þau og hvetja í atvinnuleitinni og stuðla á sama tíma að virkni og auka starfshæfni viðkomandi. Með þessum hætti er leitast við að sporna gegn erfiðum félagslegum og heilsufarslegum afleiðinum sem oft fylgja langvarandi atvinnuleysi. StarfA fagnar samstarfinu. 


Starfsendurhæfing Austurlands  |  Miðvangi 1-3  |  700 Egilsstöðum  |  S:471-2938